நடைபெறவுள்ள மார்ச் 2020 மேல்நிலை முதலாமாண்டு , இரண்டாமாண்டு மற்றும் இடைநிலை பொதுத்தேர்வுகளுக்கான முதன்மை விடைத்தாட்கள் , கூடுதல் விடைத்தாட்கள் , வரைபடங்கள் , வரைகட்டத்தாட்கள் , அகல துணி வேய்ந்த காகித உறைகள் மற்றும் பிற இனங்களை பிப்ரவரி 10 முதல் பிப்ரவரி 19 - ம் தேதிக்குள் அனைத்து தேர்வு மையங்களுக்கும் விநியோகிக்க வேண்டும் என தெரிவிக்கப்படுகிறது . தேர்வு மையங்களுக்கான எழுது பொருட்களை சம்பந்தப்பட்ட பள்ளித் தலைமையாசிரியர் அல்லது உதவி தலைமையாசிரியர் நேரில் வந்து பெற்றுச் செல்லுமாறு சம்பந்தப்பட்ட பள்ளிகளுக்கு அறிவுறுத்திட முதன்மைக் கல்வி அலுவலர் மற்றும் அனைத்து அரசுத் தேர்வுகள் உதவி இயக்குநர்கள் கேட்டுக் கொள்ளப்படுகிறார்கள் . அனைத்து தேர்வு மைய பள்ளித் தலைமையாசிரியர்கள் / முதன்மைக் கண்காணிப்பாளர்கள் கீழ்குறிப்பிட்டுள்ள அறிவுரைகளை கண்டிப்பாக பின்பற்றிடவும் அறிவுறுத்துமாறு அனைத்து அரசுத் தேர்வுகள் உதவி இயக்குநர்கள் கேட்டுக் கொள்ளப்படுகிறார்கள் .
1 . விடைத்தாள் பக்கங்கள் பள்ளித் தலைமையாசிரியரால் சரிபார்த்து உறுதி செய்து கொள்ள வேண்டும் .
2 . மேற்படி தேர்வு மைய முதன்மைக் கண்காணிப்பாளர்கள் , போதுமான எண்ணிக்கையில் முதன்மை விடைத்தாட்கள் , கூடுதல் விடைத்தாட்கள் பெறப்பட்டுள்ளனவா என்பதை ஒருமுறைக்கு இருமுறை உறுதிபடுத்திக் கொள்ள வேண்டும் .
3 . தேர்வு மைய பள்ளித் தலைமை ஆசிரியர்கள் விடைத்தாட்களை பெற்ற பின்பு , அதற்கான பதிவேட்டில் பாடவாரியாக பதிந்து பாதுகாப்பாக பராமரிக்க அறிவுறுத்த வேண்டும் .
4 . விடைத்தாட்கள் பெறும் பள்ளித் தலைமையாசிரியர் , தேர்வு மையத்திற்கு வரும் தேர்வு மைய முதன்மைக் கண்காணிப்பாளர்களிடம் விடைத்தாட்களை கணக்கிட்டு பதிவேட்டில் பதிந்த பின்னர் , முதன்மைக் கண்காணிப்பாளரின் கையொப்பம் பெற்றுக் கொண்டு ஒப்படைத்தல் வேண்டும் .
5 . அனைத்து தேர்வுகளும் முடிந்தவுடன் தேர்வுக்குப் பயன்படுத்தியது போக மீதமுள்ள விடைத்தாட்களை பாடவாரியாக ( முதன்மை / கூடுதல் விடைத்தாட்கள் ) கணக்கிட்டு தேர்வு மைய முதன்மைக் கண்காணிப்பாளர் சம்பந்தப்பட்ட தேர்வு மைய பள்ளித் தலைமை ஆசிரியரிடம் ஒப்படைத்து அதற்கான ஒப்புகையைப் பெற்றுக் கொள்ளுதல் வேண்டும் . மீதம் பெறப்பட்ட அனைத்து வகையான விடைத்தாட்களின் எண்ணிக்கையும் பதிவேட்டில் பள்ளித் தலைமை ஆசிரியர் பதிந்திடல் வேண்டும் எனவும் தெரிவித்தல் வேண்டும் .
6 . தேர்வு மைய முதன்மைக் கண்காணிப்பாளர்கள் மேல்நிலை முதல் / இரண்டாமாண்டு மற்றும் இடைநிலைத் தேர்வுகளுக்கு பாட வாரியாக முதன்மை / கூடுதல் விடைத்தாட்கடள போதுமான எண்ணிக்கையில் பெற்றுக் கொண்டோமா என்பதை உறுதி செய்து கொள்ள வேண்டும் .
7 . போதுமான எண்ணிக்கையில் எழுது பொருட்கள் தங்கள் தேர்வு மையங்களுக்கு பெறப்பட்டதை உறுதி செய்து பின்னர் , பள்ளி தலைமை ஆசிரியர்கள் சம்பந்தப்பட்ட முதன்மைக் கல்வி அலுவலர் மற்றும் அரசுத் தேர்வுகள் உதவி இயக்குநருக்கு இதுகுறித்து தெரிவித்திட வேண்டும் .
0 Comments